Drita bën histori, kualifikohet në raundin e tretë në Europa League

Skuadra e Dritës në stadiumin në Shkup të Maqedonisë së Veriut, ka mposhtur skuadrën e Sileksit nga Kratova me rezultat 2-0, duke u kualifikuar në raundin e tretë ku do të takohet me skuadrën e famshme Legia të Varshavës së Polonisë.

Futbollistët e Dritës gjatë tërë takimit ishin më të mirë se kundërshtari i tyre duke e mposhtur si me rezultat poashtu edhe me lojën e paraqitur.

Edhe pse u qu shumë pluhur se futbollistët të nacionalitetit Serb nuk do të paraqiten në këtë ndeshje, ata megjithatë u paraqiten në ndeshje.

Futbollisti më i mirë i ndeshjes së sotme padyshim ishte Hamdi Namani, i cili fiton penallti tek goli i parë, ndërsa në të dytin gol ishte asisiti i tij milimetrik i cili u konvertua në gol.

Në minutën e 48-të, Namani depërton në zonë pengohet brenda 16 metërshit duke fituar penalti, ekzekutimin e penaltisë e konkretizon me gol Fidan Gërbeshi për rezultatin 1-0.

Në minutën e 80-të, Hamdi Namani pason bukur gjerë te kapiteni i tij Ardian Limani i cili shuan shpresat e skuadrës së Sileksit në 2-0.

Futbollistët e Dritës me këtë fitore kanë bërë histori në futbollin e Kosovës duke qenë skuadra e parë që kualifikohet në raundin e tretë të Europa League./rajonipress/