Në javën e 28 të Superligës së Kosovës në futboll, në stadiumin “Zahir Pajaziti” është zhvilluar ndeshja në mes Llapit e Dritës, ku fitorja ju ka takuar “bardhekaltërve” të Dritës me rezultat 2:4.
Në një ndeshje mjaft interesante Drita ka arritur të shënon katër gola për të siguruar fitore tejet të vlefshme për titull të kampionit, njiherit ishte kjo fitorja e katërt e Dritës ndaj Llapit në këtë kampionat.
Ndeshja filloi çuditërisht, vendësit arrinë në minutën e 2-të në epërsi, Ahmed Jonuzi shënon pasi me herët portieri Maloku intervenon tejet dobët.
Dy minuta më vonë futbollistët e Dritës barazojnë në 1-1, autor i golit ishte Xhevdet Shabani i cili shënon pas gabimit të mbrojtjes së vendësve.
Në minutën e 30-të, Festim Alidema nga 16 metra shënon një gol të lehtë për skuadrën mysafire për të kaluar në epërsi në 1-2.
Ashtu si në fillim të ndeshjes, pas dy minuta vendësit barazojnë në 2-2, Jonuzi asiston gjerë te Edon Sadriu i cili nuk e pati vështirë të shënon në portën e zbrazët.
Në minutën e 69-të Xhevdet Shabani sjell skuadrën e tij në epërsi në 2-3 pas goditjes së saktë.
Futbollistët e Dritës shënojnë golin e qetësisë në minutën e 78-të, golashënues ishte Esosa Irogue Pritsley i cili shënon gol të lehtë në portën e zbrazët të portierit Giacoma Nava për të përmbyllë këtë ballafaqim me rezultat 2-4.
Pas ndeshjes trajneri i Dritës, Ardian Nuhiu, deklaroi.
” I përgëzoj futbollistët, është vështirë të shënosh fitore në këtë fushë, pjesa e parë ishte e barabartë por ne arritëm të rikthejmë rezultatin duke shfrytëzuam lodhjen e kundërshtarit dhe arritëm tri pikë shumë të rëndësishme”.
Në javën e 29-të, Drita është udhëtuese në Mitrovicë për tu përballur me Trepcën’89./rajonipress/
