Drita befasohet nga Flamurtari

Në javën e dytë të Ipko Superligës së Kosovës në futboll, futbollistët e Flamurtarit kanë përgatitur surprizën duke e mposhtur kampionin aktual të Kosovës, Dritën me rezultat 3-1.

Njeherit Drita nuk kishte pësuar humbje që nga shtatori i vitit të kaluar por kësaj radhe “kuq e zinjët” e Flamurtarit, dëshmuan se në këtë kampionat është një skuadër krejtësisht tjetër.

Futbollistët e Dritës në minutën e 22-të, arrin në epërsi së pari Xhevdet Shabani harkon nga e djathta e më së miri me kokë shkëputet mbrojtësi Ervis Kaja i cili shënon nga 6-7 metra.

Me të filluar pjesa e dytë në minutën e 47-të, Gentrit Dumani harkon nga thellësia me kokë nga 5 metra Veton Kabashi barazon 1-1.

Golin e epërsisë mysafirët nga Prishtina e arrijnë në minutën 79-të, së pari Viktor Kuka gabon e gabimin e Kukës e konkretizon Alban Shillova.

Në minutat shtesë në atë 97-të, mysafirët e shënojnë kur Alban Shillova nga 18 metra gjenë këndin e poshtëm të portierit Edvan Bakaj i cili në ndeshjen e sotme u tregua mjaft i dobët.

Gjatë tërë ndeshjës të dy skuadrat kanë mundur të shënojnë nga pozitat ideale por ishin të pasaktë.

Trajneri i Dritës Bekim Isufi pas ndeshjes ka deklaruar
“Pësuam me gabimet tona ndërsa mysafirët me kundërsulme ishin më të organizuar dhe ja arritën qëllimin e tyre”.

Në javën e tretë Drita do të jetë mysafire e Lirisë në Prizren./rajonipress/