Drenushë Maloku Bejtullahu: Koha për përfaqësim dinjitoz dhe vendime që i shërbejnë qytetarit

Gjilan – Me energji të re, vizion të qartë dhe përkushtim institucional, kandidatja për deputete Drenushë Maloku Bejtullahu ka shprehur gatishmërinë e saj për të sjellë një qasje ndryshe në politikë, të bazuar në përgjegjësi, profesionalizëm dhe zgjidhje konkrete për qytetarët.

Drenusha thotë se do të jem zëri dhe veshi i çdo kërkese që buron nga baza dhe nga qytetarët e Anamoravës, duke e kthyer besimin e tyre në angazhim konkret institucional. Me përgjegjësi të plotë do të loboj për çdo projekt madhor që ndikon në zhvillimin ekonomik, fuqizimin e gruas dhe rinisë, përmirësimin e arsimit, shëndetësisë dhe infrastrukturës, me synimin që Anamorava të marrë vëmendjen dhe mbështetjen që meriton në nivel qendror.

Ajo thekson se hyrja në garën për Kuvendin e Republikës së Kosovës përfaqëson jo vetëm një sfidë personale dhe profesionale, por mbi të gjitha një mision për të qenë zë i denjë i qytetarëve të Anamoravës dhe i të gjithë atyre që kërkojnë vendimmarrje të drejtë, transparente dhe funksionale.

“Jam shumë e lumtur që më është dhënë mundësia të jap kontributin tim me të gjitha kapacitetet, në mënyrë që Kosova të ketë përpara zgjidhje për problemet e shumta dhe vendime të drejta e të rregullta. Jam shumë entuziaste dhe e gatshme që për herë të parë në karrierën time të përfaqësoj qytetarët e Anamoravës dhe jo vetëm, në Kuvendin e Republikës së Kosovës”, ka deklaruar ajo.

Në frymën e unitetit dhe mobilizimit politik, ajo ka përcjellë edhe mesazhin se lidhja me qytetarët mbetet forca kryesore e angazhimit të saj politik, duke theksuar se “Lidhja është e gjallë – LDK është bashkë”.

🗳️ Drenushë Maloku Bejtullahu – #103