Drejtoria e Arsimit në Kamenicë i jep rëndësi inventarit dhe kabineteve në shkolla

Kamenicë – Ndërtimi i objekteve shkollore që ishte prioritet i komunës i Komunës së Kamenicës, gati se është përmbushur tërësisht, kanë mbetur vetëm edhe tri objekte jo të mëdha të ndërtohen dhe kështu të përmbyllet nevoja për objekte shkollore.

Drejtoria e Arsimit, tani rëndësi i po i kushton kompletimit të shkollave me inventar, kabinete moderne dhe biblioteka shkollore.

Këtyre ditëve në objektin e gjimnazit “Ismail Qemali” po përgatitet salla për vendosjen e pajisjeve në kabinet të ri të informatikës.

Sipas drejtorit të Drejtorisë së Arsimit, Agim Shkodra, është fituar projekti për pajisje në inventar për kabinetin Informatikës në vlerë 22.000 €.

Donator i këtij projekti është Bashkimi Europian, i cili do ta bëjë pajisjen me inventar, njëherazi edhe dhe montimin, ndërsa komuna ka marr përsipër përgatitjen e sallës për vendosjen e mjeteve.

Shkodra, përmendi se edhe për shkollën fillore të mesme të ultë “Rexhep Mala” të Topanicës është siguruar inventarë i nevojshëm shkollor nga MASHT-i, si: 40 banka,80 karrige për nxënës 16 karrige për arsimtarë, një karrige për zyre./rajonipress/