Drejtori sportiv i Monchengladbach, tregon nëse Arsenali i ka bërë ofertë Xhakës

Drejtori sportiv i Borussia Monchengladbach, Max Eberl, duke folur për pjesën e dytë të sezonit në Bundesligë, ka sqaruar edhe të ardhmen e mesfushorit Granit Xhaka.

Eberl ka hedhur poshtë lajmet se Arsenali ka bërë ofertë për 23 vjeçarin, duke thënë se klubi dëshiron ta mbaj atë në skuadër, dhe se ai është shumë i rëndësishëm për skuadrën.

“Nuk ka asnjë marrëveshje, nuk ka ndonjë numër të zi apo të bardh që kam parë dhe nuk ka asnjë kontakt me Arsenalin”, ka deklaruar Max Eberl, në lidhje me spekulimet për të ardhmen e Granit Xhakës.

“Granit Xhaka dëshiron të qëndrojë në Monchengladbach dhe ne nuk dëshirojmë të largojmë atë. Ai është një super lojtar për ne, dhe do të jetë në pjesën e dytë të sezonit me ne”, ka shtuar Eberl./Indeksonline/