Drejtori i Napoli tregon pse skuadra pagoi për Rrahmanin – nuk kursehen lëvdatat

Drejtori i Napoli, Cristiano Guintoli, ka zbuluar disa nga arsyet pse napolitanët transferuan Amir Rrahmanin.

Rrahmani bëri paraqitje shumë të mira me skuadrën e Verona, duke bërë që vëmendja për të të ishte e madhe. Garën për transferimin e lojtarit e fitoi Napoli.

Por, çfarë shtyu drejtuesit e Napoli që të paguajnë për kartonin e kapitenit të kombëtares së Kosovës? Disa arsye ka treguar Giuntoli.

“Ne nënshkruam me Rrahmani sepse ai është i mirë në markim 1 me 1, por mund të luajë mirë edhe nga krahët, që është kruciale për dëshirat e Rino(Gattuso)”, ka thënë fillimisht Giuntoli, transmeton lajmi.net.

“Me një trajner si Gattuso, i cili gjithmonë dëshiron të nis nga linja e fundit, ne donim t’i jepnim atij një lojtar që përshtatet me idetë e tij në futboll”, ka shtuar drejtori sportiv i Napoli.

Napoli kanë paguar 14 milionë euro për qendërmbrojtësin e Kosovës. /Lajmi.net/