Drejtësia në burg – Poezi nga libri “Mielli dhe buka”

Mbrëmë e pashë një ëndërr, që njerëz të hijeve dhe territ, dy dhëmbë m´i arrestuan, gjuhën ma burgosën, trupin ma rrahën, e thanë mos fol

N´atë ëndërr me disa beteja

tek pija birrë me Homerin

në një pijetore të Prishtinës

vrasës të nënhijeve, e pusive

edhe Homerin e këcënuan

se do ta vrasin së shpejti

nëse ai nuk ikën në harresë

Në atë dramë të gjumtë të

ëndrrës, buzët më digjeshin

kraharori i tëri ishte tym

N´atë ëndërr-betejë për lirinë

ata kërkonin ta arrestonin

Luftën e popullit të Kosovës

dhe s´lanë vend pa bastisur

Në luftën e asaj ëndrre, unë

doja kthimin e fjalës në liri

lirinë e dhëmbit të arrestuar

dhe të drejtësisë së burgosur!..

Rrustem Geci, Gjilan 1995