Drecun: Takimi i Thaçit me ish-komandantët e UÇPMB-së, përgatitje për konflikte të reja

Kryetari i Komisionit Parlamentar për Kosovën në Parlamentin serb, Milovan Drecun, pas takimi që presidenti Hashim Thaçi, ka bërë me ish-komandantët e UÇPMB-së, ka thënë se Kosova po përgatitet për konflikte të reja.

Kryetari i Komisionit Parlamentar për Kosovën në parlamentin serb, Milovan Drecun, ka theksuar se liderët politik kosovarë janë në komunikim të vazhdueshëm me udhëheqësit e shqiptarëve të Luginës së Preshevës dhe se Tirana është e përfshirë në këto komunikime.

Drecun theksoi se e gjithë kjo po bëhet që edhe shqiptarët e Luginës së Preshevës të përfshihen në dialogun Kosovë-Serbi.

“Është e qartë se Hashim Thaçi është duke u përpjekur gjatë gjithë kohës për të futur në bisedimet apo negociatat ndërmjet Beogradit dhe Prishtinës çështjen e statusit të shqiptarëve në Serbi. Duhet theksuar se në rezolutën e miratuar nga Kuvendi i Kosovës për negociatat me Serbinë përmendet edhe jugu i Serbisë qendrore dhe një përpjekje për t’u angazhuar në bisedime me Beogradin dhe për të bërë disa paralele midis pozitës së serbëve në veri të Kosovës dhe shqiptarëve në jug të Serbisë”, ka thënë Drecun për “TV Pink”, transmeton lajmi.net.

Sipas tij, e gjithë kjo është vetëm një presion që po i bëhet Serbisë dhe në këtë mënyrë Kosova do të kërkojë që edhe kosovarët që jetojnë në Kroaci të kenë të gjitha të drejtat e tyre ashtu siç i kanë serbët në Kosovë.

“Nuk e di pse ky është problemi i tyre. Është në rregull kur shteti interesohet për statusin e personave të kombit të tij që jetojnë në ndonjë shtet fqinj, por Kosova nuk është një shtet që të shqyrtojë çështjen e situatës së shqiptarëve në jug të Serbisë. Nuk ka dilemë që ata tani duan të krijojnë presion shtesë ndaj Beogradit duke insistuar që shqiptarët në jug të Kroacisë të kenë të njëjtat të drejta, se shkalla e realizimit të këtyre të drejtave të jetë në të njëjtin nivel me serbët në veri të Kosovës”, theksoi Drecun.

Ai shprehu shqetësimin se nëse shqiptarët në jug të Serbisë kanë të njëjtin status si serbët në Kosovë. Sipas tij, largimi i serbëve nga Kosova tregon më së miri eksodin masiv të popullit serb që pasoi ardhjen e forcave ndërkombëtare në Kosovë si rezultat siç u shpreh ai, i spastrimit etnik brutal.

“Ky është treguesi më i mirë i të drejtave të njeriut të serbëve në Kosovë dhe më shumë se disa për qind e serbëve të dëbuar janë kthyer”, tha Drecun, duke përmendur edhe takimin e presidentit të Kosovës, Hashim Thaçi, me udhëheqësit shqiptarë nga jugu i Serbisë, pra Lugina e Preshevës.

Drecun theksoi se në këtë takim ishin ish-komandantët e siç e quajti ai, organizatës terroriste të Ushtrisë Çlirimtare të Preshevës, Medvegjës dhe Bujanocit (UÇPMB).

“Prishtina përgatitet për shpërthimin e ngjarjeve në Kosovë në një mënyrë të tillë që në vend të qetësimit të tensioneve dhe zvogëlimit të krizës së krijuar pas futjes së taksës, ajo më tej ndez situatën e krizës dhe ushtron presion anësor përmes jugut të Serbisë, ndërsa tjetri kalon përmes Sulejman Uglanin në Rashkë – rajonin politik. Është e qartë se Prishtina përgatitet për konflikte të reja në vend të bisedimeve. Nëse i thirrni ish-komandantët e UÇPMB-së, është e qartë se kapaciteti i tyre po testohet për të provokuar një destabilizim të ri”, u shpreh Drecun.

Në anën tjetër, Demë Berisha, kryetar i Shqiptarëve vendas në Serbi, thotë se Kosova po largohet nga bisedimet me Serbinë në këtë mënyrë dhe se liderët e saj po blejnë pikë politike.

“Është provokim i Serbisë. Bashkatdhetarët e mi në zonat e Preshevës, Medvegjës dhe Bujanovcit kanë të gjitha të drejtat e garantuara me Kushtetutën e Serbisë dhe nuk e shoh nevojën për diskutim në këtë pikë”, ka thënë Berisha.