Dragan Nikoliq akuzohet se keqpërdori pasurinë e paluajtshme

Gjilan – Sipas aktakuzës së ngritur nga prokurori Agron Uka, Dragan Nikoliq nga fshati Pasjan, serb shtetas i Republikës së Kosovës, kryetar i komunës së Parteshit dyshohet se gjatë muajit qershor 2012 i dyshuari pa autorizim ka përdorur pasurinë e luajtshme e që u është besuar atij në detyrë.

Sipas aktakuzës në bazë të vendimit 1285 e 1339 nga Ministria për Komunitete dhe Kthim ka qenë e paraparë për shpërndarjen e pasurisë – materialit ndërtimor për 15 familje, ndërsa i njëjti ka rritur vëllimin për 51 familje, ashtu që pa autorizim paraprak ka dhënë material ndërtimor – pasuri e këtyre personave të cilët kanë qenë të dedikuar që të përfitojnë nga Ministria për Komunitete dhe Kthim, edhe pse i njëjti e ka ditë se materiali i lartëcekur ka qenë i dedikuar për 15 pesëmbëdhjetë familje që të përfitojnë material ndërtimor në vlerë prej 3000 Euro gjithsejtë 45.000,00 Euro, në këtë mënyrë duke i dëmtuar 15 pesëmbëdhjetë familje përfituese në bazë të vendimit të Ministrisë për Komunitete dhe Kthim, raporton rajonipress.

Nikoliq dyshohet se kryer veprën penale “përdorimi i pasurisë së paautorizuar”.

Prokurori i Shtetit ka marr në pyetje dëshmitarët dhe gjithashtu edhe itë akuzuarin. Ky gjykim po udhëhiqte nga kryetari i Trupit Gjykues, Afrim Shala derisa seanca e radhës pritet të mbahet më 28 Janar 2015./rajonipress/