Dortmundi e do Shaqirin

Xherdan Shaqiri mund të largohet nga Stoke City gjatë kësaj vere. Sipas mediave britanike, ylli kosovar është bërë shënjestër e Borussia Dortmundit.

Lajmin e ka bërë të ditur tabloidi “The Sun”, përcjellë Zëri, sipas së cilit, 24 vjeçari për momentin është i fokusuar tek pushimet dhe se nuk ka dëgjuar për një opsion të tillë.

Shaqiri e shënoi golin më të bukur të Evropianit, edhe pse u kritikua për paraqitjet e tij me Zvicrën. Gjilanasi do t’i bashkohet ekipit aktual në përgatitjet parasezonale më 24 korrik, në pritje ta kuptojë më qartë të ardhmen e tij, raporton Zëri.

Ndërkohë, ai ka thënë se do të mundohet ta ketë një sezon edhe më pozitiv, duke dhuruar asiste dhe duke shënuar më shumë gola, për t’i arritur synimet me klubin. /Zëri/