Dorian Vërbovci talent i madh i futbollit që po “lulëzon” në futbollin e Belgjikës

Edhe pse vetëm 9 vjeçar, Dorian Vërbovci tani e pesë vite merret me lojën e futbollit. “Bjondi” Verbovci me lojërat të cilat po i tregon në kategorinë e tij në skuadrën e madhe Royall FC Antwerp të Belgjikës sipas shumë trajnerëve, skautve i parashikojnë karrierë të madhe futbollistike.

Edhe pse për nga mosha e re, Dorjani apo siç e thërrasin të gjithë sipas futbollistit të madh Evropian, Kevin De Bruyne, ka nënshkruar kontratë me skuadrën Royall FC Antwerp për tri vite.

“Jam i dashuruar në lojën e futbollit, për mua futbolli është gjithçka, jam shumë i lumtur që kam përkrahjen e babit, mamit e gjyshit tim, një ditë do ti bëjë shumë krenar me paraqitjet e mija në fushën e futbollit”, ka thënë mesfushori Dorian Vërbovci.

Doriani karrierën futbollistike e filloi në DVVC Talent Academie, ku sipas shumë njohësve të futbollit duke e parë talentin e Dorianit e kanë këshilluar që karrierën ta zhvillon në skuadrën e madhe të Belgjikës Antwerp.
“Jam shumë i lumtur që jam pjesë e kësaj skuadre, në mesin tonë ka shumë futbollist cilësor e në veçanti trajnerët janë të mrekullueshëm, do të bëjë gjithçka dhe do të jap më të mirën nga vetja që mos ti zhgënjej së pari familjen e pastaj trajnerët të cilët bëjnë një punë tejet profesionale”, thekson Vërbovci.

Mesfushori e talenti i madh i futbollit, Dorian Vërbovci, i cili jeton e vepron me prindërit në Holandë të cilët kanë prejardhje nga babai nga Barileva e nëna nga Gjilani, ka një ëndërr tejet të madhe për ta realizuar.
“Ëndërroj që me bashkëmoshatarët e mi nën flamurin e shtetit të Kosovës e në Kombëtaren e Kosovës të jemi në Kampionatin Evropian e Botëror, kjo është ëndërr e prindërve të mi dhe kjo ëndërr uroj të më realizohet, kjo ëndërr nuk është e pamundur”.

Njëri ndër talentet më të mëdhenjj të futbollit në Belgjikë, Dorian Vërbovci, me talentin që ka dhe synimet e tij na bën të ndihemi krenar, ndërsa lirisht mund të themi se futbollit të Kosovës po i vjen një talent i madh i futbollit e pse mos ta kemi edhe ne një futbollist çfarë është Kevin De Bruyne, për të cilin Dorjani e ka idol të futbollit./rajonipress/