Dorëheqjet e vitit

Kombëtarja e Shqipërisë dhe Përfaqësuesja e Kosovës në futboll nuk arritën të kualifikohen në botërorin “Rusia 2018”, por megjithëkëtë ato ishin në qendër të vëmendjes në opinionin mbarëshqiptar, shkruan zeri.info.

Derisa Shqipëria përfundoi e treta në një grup tejet të vështirë, ku kundërshtarë kishte edhe spanjollët e italianët, Kosova ka përfunduar e fundit me 9 humbje e vetëm me një barazim.

Dhe për këtë rezultat tejet negativ kritikat më të ashpra i ishin drejtuar selektorit Albert Bunjaki, prej të cilit shumë moti kërkohej dorëheqja e të cilën e ofroi me përfundimin e ciklit kualifikues për Botëror.

Dorëheqja e Bunjakit ishte bërë lajm i madh në Kosovë, pasi bëhej fjalë për shkuarjen e një njeriu që e mbante atë postë nga viti 2009, kohë prej së cilës kishte nisur ta bëjë gati Kosovën për arenën ndërkombëtare menjëherë pas anëtarësimit në UEFA e në FIFA.

Dorëheqje me peshë ishte edhe ajo e Gianni de Biasit, i cili vlerësohet si hero i kualifikimit të Shqipërisë në “Euro 2016”.

Italianit i kishte dalë nga kontrolli skuadra dhe zgjidhja e vetme ishte lirimi i vendit për Christian Panuccin, kur viti 2018 e zë Kosovën pa trajner. /Zëri/