Donis Avdijaj flet për të ardhmen: Kam oferta nga Premierliga dhe La Liga
RajoniPress
19:06, 11 Janar, 2018
Donis Avdijaj, futbollisti kosovar ende është pjesë e Schalkes përkundër disa “problemeve” me drejtuesit e klubit gjerman.
Ai po kërkohet nga klube të ndryshme, e fundit që shprehu interesim është Roda nga Holanda. Madje disa media holandeze raportonin se Avdijaj ka arritur marrëveshje.
A ka diçka të re sa i përket transferimit të Donis Avdijajt në Roda apo te ndonjë skuadër tjetër, futbollisti flet ekskluzivisht për IndeksOnline:
“Nuk ka asgjë sa i përket Roda-s. Kanë shpreh interesim për mua, por situata e klubit në Holandë nuk është edhe aq e mirë. Kam ofertë nga Premierliga dhe Championshipi i Anglisë, poashtu edhe nga Bundesliga dhe La Liga e Spanjës. Kam kontratë me Schlaken edhe për 1 vit e gjysmë, nuk e di se a do të largohem gjatë janarit apo gjatë verës. Me dëshirë largohem tani, pasi dua të luaj sa më shumë dhe ta tregoj vetën”, ka thënë Avdijaj për IndeksOnline.
21-vjeçari është futbollist Schalkes që nga viti 2011, ku bëri afro 33 paraqitje. Kosovari poashtu luajti edhe për ekipin austriak, Strum Graz gjatë sezonit 2014/16./IndeksOnline/
