Eko Higjiena

Donat Rrudhani shënon në fitoren e thellë të Young Boys

/ 1 minutë lexim

Pas humbjes ndaj Baselit javën e kaluar, Young Boys u rikthye sonte te fitorja në Superligën e Zvicrës.

Kampionët në fuqi zviceranë regjistruan fitore bindëse ndaj Yverdon, në ndeshjen e vlefshme për javën e 21-të, shkruan Gazeta Express.

Ndeshja e zhvilluar në stadiumin “Wankdorf” përfundoi me rezultatin 5:1.

Serinë e golave për vendasit e hapi Donat Rrudhani, i cili shënoi në minutën e 33-të.

Fidanishtja

Për reprezentuesin e Kosovës ishte ky goli i tij i dytë në elitën zvicerane këtë sezon.

Rrudhani ishte titullar dhe qëndroi në fushë për 65 minuta.

Young Boys pas kësaj fitore ka 44 pikë dhe vazhdon kryesimin në tabelë, tani me tetë pikë më shumë se St. Gallen, që mban pozitën e dytë. /Gazeta Express/