Domatja parandalon sulmin në tru

Sipas shkencëtarëve finlandezë, ushqimi i pasur me domate zvogëlon rrezikun e pësimit të sulmit në tru.Ata kanë përmendur ndikimin e likopenit, substancës që dhuron ngjyrën e kuqe që gjendet në domate, speca dhe shalqi.

Rezultatet e studimit, në të cilin kishin marrë pjesë rreth 1.031 meshkuj, e që më pas këto rezultate ishin botuar në revistën “Neurology”, kanë treguar se personat të cilët në gjakrrjedhjen e tyre kishin më shumë likopen ishin më së paku të ekspozuar ndaj rrezikut për t’u prekur nga sulmi në tru.

Niveli i likopenit në gjak tek pjesëmarrësit ishte matur në fillim të studimit përderisa studiuesit i kishin vëzhguar gjendjen për 12 vjet rresht. Ata ishin ndarë në katër grupe në bazë të sasisë së likopenit në gjak.

Në grupin e 258 meshkujve me sasi të pakët të likopenit ishin vërtetuar 25 sulme në tru dhe 11 sulme të tjera tek 259 meshkuj.

Rezultatet kanë vërtetuar se rreziku për të pësuar sulm në tru ishte për 55% më i vogël tek ata persona që kishin sasi më të madhe të likopenit në gjakrrjedhje.