Domatet zvogëlojnë rrezikun për kancer të prostatës

Rreth dhjetë porcione me domate të shijshme në javë për 20 për qind mund ta ulin rrezikun për t’u prekur nga kanceri i prostatës, vërteton studimi nga ekspertët e universitetit Bristol dhe Oksford, ku kishin marrë pjesë më shumë se 14.000 njerëz. Kanceri i prostatës përbën rreth 11 për qind të të gjitha rasteve të sëmundjeve malinje te meshkujt në Evropë, ndërsa që rreziku për t’u prekur nga kjo sëmundje rritet pasi t’i keni mbushur të pesëdhjetat.

Si masë parandaluese nuk shërbejnë vetëm domatet, por efektin ia dhuron substanca e quajtur likopen. Mirëpo, ekspertët sugjerojnë të mos e teproni duke e përdorur në picë, fasule, apo si salcë në makarona. Ekspertët kanë vërtetuar se meshkujt që rregullisht hanë pemë dhe perime, përafërsisht rreth pesë porcione në ditë, për 24 për qind janë më pak të rrezikuar nga kanceri i prostatës.

Studimi tregon se ushqimi i pasur me domate është masa më e mirë parandaluese kundër kancerit. Ekspertët shtojnë se, pos domates, masa më e mirë parandaluese kundër kancerit të prostatës është edhe marrja midis 750 dhe 1200 mg kalcium dhe 105 dhe 200 mcg selino.