Doli libri me poemtha i shkrimtarit Mehmetali Rexhepi: Hirësi e flluskuar

Gjilan – Lexues të çmuar! Pas dy dhjetëvjetorësh, më 11 nëntor 2017, përmes shtëpisë botuese “SOGJETIME”, redaktuar nga letrari Shefik Shkodra dhe recensuesit: Sherafedin Kadriu, Nuri Plaku e Sarë Gjergji, doli nga shtypi, përkatësisht nga shtypshkronja “Star Print” në Prishtinë, vëllimi poetik i shkrimtarit Mehmetali Rexhepi, titulluar “HIRËSI E FLLUSKUAR”.

Ky vëllim me poemtha i shtohet njërës nga veprimtaritë kulturore “ Vjeshta poetike e Gjilanit”, e cila kësaj radhe do ta nderojë dhe shpalojë shumanshëm portretin letrar të Mehmetali Rexhepit. “Portreti letrar i Mehmetali Rexhepit”, do të mbahet në kuadër të kësaj veprimtarie në Gjilan, të shtunën, më 18 nëntor 2017.

Autori falënderon zëshëm sponzoruesin e këtij libri…, si dhe redaktorin,recensuesit, mikun tim, Hysen Këqikun për faqosjen e librit, dhe krye-organizatorin e “Vjeshtës poetike…” Sabit Rrustemin!

Po ashtu, autori falënderon ligjëruesit e çmuar: Prend Ndue Buzhala, Prof. Dr. Hysen Matoshi, Mr. Sherafedin Kadriu, Nexhat Rexha dhe Sarë Gjergji. Gjithsesi, mirënjohja e respekti nuk do të mungojë për pikturën e ballinës së librit, të dhuruar nga piktori i talentuar Ramadan Arifi!

Një falënderim e meriton drejtuesi i shtypshkronjës në Prishtinë,”Star Print” Florim Ahmeti, si dhe stafi i tij i shtypshkronjës për punën e kryer me profesionalizëm e korrektësi!/rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).