Doktoratat e dyshimta të “shefave” të shtetit

Këshilltarë të kryeministrit aktual të Kosovës, Isa Mustafa, ligjërues të universiteteve private, menaxherë të Postës së Kosovës, bankierë të ndryshëm dhe shumë menaxherë të institucioneve kosovare, kanë mbaruar apo janë në proces të studimeve postdiplomike në Universitetin “Swiss Menagement Center (SMC)”, me seli në Zvicër.

Por, një hulumtim disajavor i gazetës “Zëri”, ka treguar se ky universitet nuk ka akreditim në shtetin e Zvicrës, e as në ndonjërën nga qendrat akredituese që janë të njohura për Kosovën.

Në listën e universiteteve të Zvicrës, www.crus.ch/information-programmes/reconnasance, që janë të njohura për shtetin zviceran, “Swiss Menagement Center” nuk figuron fare.

MASHT po hulumton doktoratat e lëshuara nga “SMC University”

Kështu, siç ka arritur gazeta të konfirmojë përmes burimeve në Ministrinë e Arsimit, Shkencës dhe Teknologjisë, gjasat që këta zyrtarë të barasvlerësojnë doktoratat e tyre në Kosovë i kanë të vogla.