Dogana e Kosovës: Bie niveli i kontrabandës në Veri

Viteve të kaluara numri i rasteve të zbuluara për kontrabandim arrinte në 500, ndërsa në gjashtë muajt e parë të këtij vit ai ka qenë vetëm 40.

Dogana e Kosovës njofton se megjithë se të hyrat janë ulur dukshëm në pikat kufitare në veri të vendit ky institucion ka pasur sukses pasi që edhe kontrabanda e mallrave në këtë pjesë është lurur dukshëm.

Zëdhënësi i Doganës, Adriatik Stavileci, ka thënë se viteve të kaluara numri i rasteve të zbuluara për kontrabandim arrinte deri në 500, ndërsa në gjashtë muajt e parë të këtij vit numri i rasteve është vetëm 40, që tregon rënie të dukshme.

“Këtë vit dhe vitin e kaluar ka pasur më se paku raste të kontrabandimit. Është fakt që ka pasur periudha kohor kur kundërvajtjet e zbuluara nga ana e oficerëve doganor brenda një viti në atë pjesë kanë kaluar numrin prej 400 ose 500 por këto dy vitet e fundit kemi vërejtur një ulje të këtyre. Prej janarit 2017 kemi pasur më shumë se 40 raste që kemi kapur mallrat gjatë tentim kontrabandimit”, ka thënë ai për ekonomia online.

Stavileci ka treguar se në pik kalimet kufitare Jarinë dhe Bërnjaku mesatarja vjetore që mblidhen dogana është nga 2.5 milionë deri në 3 milionë euro, ndërsa gjatë këtij viti ka ulje në rreth 2 milionë euro, pot shtonë se me gjithë këtë në këtë pjesë ka pasur rritje të qarkullimit të mallrave.