Dogana e Kosovës arrin të hyra 18 për qind më shumë se vitin e kaluar

Impakti i zbatimit të MSA-së deri me tani në buxhetin e Kosovës, është afër 5 milion euro, mirëpo për shkak të hyrave që ka arritur Dogana, ti realizoj brenda këtyre muajve nuk të ketë ndryshime të rishikimit të taksave, kështu ka bërë të ditur Avdullah Hoti, Minister i Financave.

Sipas tij rezultatet e shkëlqyera të doganës sidomos në muajt e fundit, në luftimin e kontrabandës, ka rezultuar pa shqetësim në impaktin e MSA në të hyrat doganore, shkruan “Zeri.info”.

Ndërsa Lulzim Rafuna, Drejtor i Doganave ka thënë se nga muaji janar e deri me tani të hyrat doganore janë 457 milion euro, që është 18 për qind me shumë se vitin e kaluar, ku të hyrat doganore kanë qenë 387 milion euro. Sipas tij Dogana e Kosovës ka arrit rezultate me të mira që asnjëherë deri me tani nuk janë arritur. Ai po ashtu tha se Dogana e Kosovës ka arritur plus 8 për qind krahasuar me projeksionet që ka paraparë Ministria e Financave për realizimin e të hyrave doganore.

Këto kanë ndodhur edhe përkundër lirimeve doganore që kane ndodhur nga pakoja e re fiskale si dhe zbatimi MSA-së./ZERI/.