Do të shkoj në Banjë të Sjarinës

Nëpër fshatra të Kamenicës – Mora rrugë drejt Jabllanicës !…
Do të shkoj në Banjë t’ Sjarinës – T’ ia dridh telat e violinës !

Do të shkoj me këngë n’ Sjarinë –
Që t’ ia këndoj bukurinë ,
Mikpritjen dhe bujarinë ,
Ta kujtoj me mall rininë !…
T’ ia këndoj tërë hijeshinë ,
Gjelbërimin dhe madhështinë !

T’ ia shoh gurrat e burimit ,
T’ ia shoh banjat e shërimit !
T’ ia shoh vrushkujt e Gejzerit ,
Ta shoh bustin e Zenelit !
T’ a shoh djepin e trimërisë ,
T’ kujtoj faqet e historisë !…
Atje poshtë ku është Sjarina –

T’ shkoj t’i shoh do kushërina !
Motra e vëllezër dua me i pa ,
Se kufijtë ne na kanë nda !
T’ ia shoh bukuritë përrallore ,
T’ shkoj t’ ia shoh shkollat fillore ,
T’ ia shoh nxënës e arsimtarë –
Padrejtësisht që jemi ndarë !
Kalojnë shekujt mot pas moti –

N’ fund të ndarjes pikon loti !
Pikojnë lotët dhe pikëllimet –
N’ zemrat tona rrojnë kujtimet !
N’ fund të këngës vjen urimi –
Moj Sjarinë , të rroftë burimi ,
T’ rroftë Gejzeri dhe gjelbërimi ,
Rrezja e dritës she shkëlqimi !

Gjilan, më 24.08.2014. Demir Krasniqi