DKA bashkë me Shkollat e Mesme të Gjilanit, nuk guxojnë të vendosin në përzgjedhjen e opera-torëve ekonomik, ofertues për ekskursionin e nxënësve në Shqipëri

Nga Shefik Surdulli – Të hënën që shkoi, shkollat kanë hapur ofertat e Agjencive për tenderët e shpallur nga shkollat e mesme të Gjilanit; Gjimnazi “Z.Handini”, gjimnazi “Xhavit Ahmeti”, SH.M.E “Marin Barleti”, Sh.M.Mjeksi “Asllan Elezi”, SH.M.T “Memet Isai”, SH.M. Arteve Pamore “Adem Kastrati”, SH.M. Muzikës, si dhe ajo e Bujqësisë ” Arbëria”.

Prej atëherë, shkollat akoma nuk i kanë shpallur përfituesit, për shkak të përzierjes së autoritetit të Komunës, ngase kryetari Haziri ka të preferuarit e tij, brenda ofertuesve, siç kishte vepruar edhe vitin e kaluar, duke u dhënë tenderin vetëm dy operatorëve, njerëz të tij familjar përkatësisht “tagërdhënës”.

Kështu kanë shfaqur dyshimet e tyre ofertuesit serioz e të përgjegjshëm, që kanë konkurruar në këto tender, duke iu referuar përvojës së vitit të kaluar, vonesave dhe jotransparencën që po ndodhë më shpalljen e përfituesve të këtyre tenderëve, edhe këtë vit.

Për hirë të korrektësisë dhe transparencës sonë, po ia paraqesim publikut edhe Agjencitë konkurruese:
A.T. “PËRPARIMI”, Gjilan; A.T. “SHKËNDIJA TRAVEL”, Gjilan; AT. “VIKTORIA”, Gjilan; AT. “ALBA TOURS”, Gjilan; AT. “OCEANIA”, AT. “MOREA”. Nga këta ofertues, ka edhe të tillë që dyshohet se nuk janë të akredituara dhe as pa seli madje.
Sipas Udhëzimit Administrativ (MASHT) nr. 2/2016, neni 11. Pika 2.12.3, hapjen e ofertave dhe përz-gjedhjen e operatorit për ekskurzion të nxënësve, në këtë rast, e bënë komisioni prej 3 anëtarësh, ku bëjnë pjesë: një përfaqësues i autorizuar nga DKA, kryetari (ose një përfaqësues tjetër) i Këshillit Drejtues të Shkollës dhe drejtori i shkollës.
Prandaj, duke e parë ktë vonesë të përcjellë me jotrasparencë nga autoriteti vendimmarrës, edhe kësaj herë ka indikacione të ndikimeve nga autoriteti më i lartë i komunës – kryetari Lutfi Haziri, duke i privuar në këtë rast autoritetet shkollore për të vendosur sipas Udhëzimit Administrativ të Ministrisë së Arsimit, Shkencës dhe Teknologjisë.

Në komunikimin tim zyrtar (përmes celularit) me drejtorin e DKA z. Nazim Gagica, lidhur me këtë çështje, ai ka deklaruar se shpallja e përfituesve, do të bëhet javën e ardhshme, nga e hëna (më 17 shta-tor 2018). Ndërkaq, dihet se, sipas tenderit, disa shkolla duhet të fillojnë ekskursionin po nga kjo ditë, më data 17 shtator.
Megjithatë, marifetin e kësaj pune do ta shohim deri atëherë./rajonipress/