Dita Ndërkombëtare e Gënjeshtrave

Nga Demir Krasniqi

Anë e mbanë vendeve t’ Evropës ,
Në Shqipëri dhe mbarë Kosovës ,
N’ ag të dritës sapo t’ lindë Dielli –
Me gëzim pritet 1 Prilli !

Në mbarë botën e përtej detrave –
1 Prilli është Dita e Gënjeshtrave !
Për nderë t’ fëmijëve , grave , plakave –
1 Prilli është Dita e Shakave !

Kjo shaka që mezi pritet –
Për çdo vit na përsëritet !
Ka nisë nga romakët e lashtë –
Brez pas brezi e kem dashtë !

Romakët bënin festë luksoze –
Me tradita serioze !
Kishte karakter festues –
Për nderë të perëndeshës Venus !

Më 1530 ,
N’ Augsburg flitet për një t’ vërtetë ;
Me vendim parlamentar –
Unifikohej gjithë sistemi monetar !

N’ parlament t’ Augsburgut , për hir t’ vërtetës –
1 Prilli u caktua Dita e Monedhës !
Pak para kësaj dite këtë vendim e shtyrën –
Shumë persona i humbën t’ gjithë paratë e tyre !

Kështu shumë persona pa para që mbetën –
Për këtë t’ gjithë u tallën edhe u përqeshën !
Shakaja e 1 Prillit , që besohej n’ katër anët –
Vjen nga mbreti francez , ai Karli i Nëntë !

Më 1564 , kalendarin gregorian e reformoi –
N’ datën 1 Janar – festën e Vitit të Ri e kaloi ;
Që deri atëherë , më 1 Prill ishte festua ,
Por, shumë deri atëherë nuk e kishin kuptua !

Prej atyre që e dinin këtë ndërrim në shoqëri –
Më 1 Prill uroheshin për Vitin e Ri !
Që në fakt uronin atë vitin të vjetrin ,
Por , që bënin shaka me njëri – tjetrin !
N’ kohëra t ‘hershme shakatë ndryshe përpiloheshin –
Por , ata që gënjeheshin kurrë nuk hidhëroheshin !
Kështu , ai që gënjehej n’ udhëtim t’ gjatë do t’ shkonte –
Për të marrë diçka që nuk ekzistonte !

Në shekullin e 17-të dhe të 18-të,
Kishte rregulla t’ qarta t’ shoqërisë së vërtetë ;
Mbi të cilat ishin t’ bazuara shakatë –
Por , jo të rrezikshme për t’ krijuar shamatë !

I rrituri mund t’ bënte shaka me fëmijë t’ mitur ,
Por , një fëmijë s’ mund t’ bënte shaka me të rritur !
Ditën e gënjeshtrave t’ këndshme dhe komike –
E kanë bërë gjithmonë mediat publike !

Për 1 Prill 1957 –
Rrjeti “BBC” , gënjeshtër kish përshtatë !
N’ katër anët e botës u publikua rrena –
Fshatarët zviceranë korrin makarona nga pema !

Prej gjithë vendeve t’ botës ata që dallojnë ,
Sot e kësaj dite – 1 Prillin e festojnë ,
Ditën e shakave , gënjeshtrave të famshme –
Francezët shënojnë në mënyrën më të këndshme !

Gjilan, më 22. 03. 2017 .

Demir Krasniqi