Gjilan – Të mërkuren udhëhequr nga zëvendës drejtor Nënkolonel Shaban Azizi, në Drejtoria Rajonale në Gjilan, është mbajtur takimi me Drejtorin e Drejtorisë së Arsimit në Gjilan, Nazim Gagica, si dhe me gjithë drejtorët e tetë të shkollave të mesme të Gjilanit.
Qëllimi i takimit ishte “Siguria nëpër shkolla si dhe parandalimi i incidenteve të mundshme kriminale” në Komunën e Gjilanit.
Nënkolonel Azizi, i njoftoj të pranishmit se Policia e Kosovës me staf, mirë të përgatitur dhe është në zbatim e sipër të Strategjisë " Policia në Bashkësi" në nivel nacional.
Policia e Kosovës në kuadër të kësaj strategjie me theks të veçantë është duke i kushtuar “Sigurisë nëpër shkolla”. Policia e Kosovës bashkë me drejtorët e shkollave, arsimtarët, dhe këshillat e prindërve, do të preventojmë në parandalimin e huliganizmit, përdorimit tē narkotikëve dhe vetive tjera deviante nëpër shkolla dhe rreth tyre.
Drejtori i Drejtorisë së Arsimit në Gjilan dhe të pranishmit tjerë falënderuan Policinë e Kosovës për ndihmën që u afrohet në preventivë të rasteve “delikuente
dhe mbarëvajtjen e mësimit”, ata theksuan se si rezultat i bashkëpunimit me Policinë e Kosovës, dhe falë angazhimit të oficerëve policor numri i rasteve
kriminale nëpër shkollat e Gjilanit në dy vitet e fundit është dukshëm ma i vogël. Policia e Kosovës është e përkushtuar për krijimin e një ambienti të qetë dhe
prosperues për të gjithë./rajonipress/
