Fundamenti

Diskriminimi i shqiptarëve, temë diskutimi në takimin e Kamberit me Von Cramonin

/ 1 minutë lexim
Eco Higjiena

Deputeti shqiptar në parlamentin e Serbisë, Shaip Kamberi ka takuar sot eurodeputeten e Parlamentit Evropian, Viola von Cramon.

Kamberi ka thënë se kanë diskutuar për problemet e diskriminimit të shqiptarëve, veçanërisht në Luginën e Preshevës, transmeton Zeri.info.

“Në këtë takim, u përballëm me çështjet që prekin të drejtat dhe barazinë e shqiptarëve në Luginën e Preshevës. Diskutuam thellësisht për rëndësinë e trajtimit të barabartë dhe të lirive individuale dhe kolektive, duke u bazuar në normat e konventave ndërkombëtare dhe evropiane për të drejtat e njeriut”.

UBT

“Qëndrim të qartë të solidaritetit dhe angazhimit tonë për të adresuar diskriminimin e pasivizimin dhe për të ndihmuar në garantimin e të drejtave të plota për komunitetin shqiptar në Luginën e Preshevës”, shkroi Kamberi.

Kamberi shtoi se bashkëpunimi me miqtë dhe partnerët është jetësor për të arritur qëllimet dhe për të ndikuar në ndryshimet e nevojshme, për të siguruar një shoqëri më të drejtë dhe më të barabartë për të gjithë. /Zëri