Diskriminime për studentët e Luginës

Ai sivjet ka mbaruar gjimnazin “Skënderbeu” në Preshevë. 18-vjeçari, synon që të regjistrohet në Fakultetin e Gjuhës Angleze. Por, Arbnor Selmani nga Presheva, e ka problem të regjistrohet në UP në drejtimin që preferon.

Ai nuk ka shtetësi të Kosovës, kurse për t’u regjistruar në gjuhë angleze, nuk është paraparë asnjë kuotë për studentët e Luginës së Preshevës.

“Kjo po na shkakton telashe. Ne pos Tiranës, Tetovës e Prishtinës, s’kemi ku shkojmë për studime. Në Prishtinë na bie më afër të vijmë dhe të studiojmë, kurse në Serbi ku ne mund të studiojmë, ende nuk ka kushte e as siguri të mjaftueshme për studentët shqiptarë të Luginës”, thotë ky i ri që pret të bëhet ndonjë zgjidhje në UP për të (Tribuna).

Shpërndaje.
© RAJONIPRESS