Disa të rinj përfshihen në grindje e fjalosje, prishin rendin e qetësin publike

Gjilan – Policia është njoftuar se në afërsi të shkollës “Selami Hallaqi” në Gjilan, ka ndodhur prishje e rendit dhe qetësisë publike mes disa të rinjve si shkak i grindjeve dhe fjalosjeve mes tyre.

Ndaj të involvuarve është paraqitur kërkesa për kundërvajtje gjykatës kompetente. Në mesin e të përfshirëve ka qenë edhe i dyshuari D.A. i cili sipas dëshmitarëve okular dyshohet të këtë patur me vete edhe një revole njoftoj policia e Gjilanit.

I njëjti largohet nga vendi i incidentit, por pas hetimeve të zhvilluara nga policia, arrihet identifikimi i të dyshuarit, shoqërimi në stacion policor dhe pas procesit të intervistimit i dyshuari e tregon edhe lokacionin e fshehjes së armës.

Revolja është e tipit“Crvena Zastava” e kalibrit 7.65 mm modeli 70” dhe në momentin e zbulimit dhe konfiskimit është gjetur pa fishekë (plumba).

Lidhur me rastin në fjalë është njoftuar prokurori i krimeve të renda i cili urdhëron që rasti të kualifikohet “Armëmbajtje pa leje” dhe të procedohet me procedurë të rregullt./rajonipress/