Diplomatë të huaj kërkojnë të hiqet dorë nga bllokada

Diplomatë të akredituar në Kosovë kanë rritur indirekt presionin mbi PDK-në për ta thirrur vazhdimin e seancës konstituive.

Ambasadori britanik në Kosovë, Ian Cliff, ka shprehur habinë se pse Kuvendi nuk është mbledhur këtë të enjte, derisa kolegu I tij nga Holanda, Robert Bosch, ka thënë se Kuvendi duhet të rimblidhet pa vonesë, pasi të gjitha palët tashmë e kanë pranuar aktgjykimin e Gjykatës Kushtetuese.

Por ndryshe është duke menduar presidentja Jahjaga, e cila njëjtë si PDK-ja vazhdon të insistojë në gjetjen e kompromisit për krijimin e një Qeverie gjithëpërfshirëse. /koha/