Dion Kacuri është talenti i radhës që ka filluar shkëlqimin në Zvicër.
Mesfushori i talentuar me prejardhje nga Kosova ka filluar të luaj këtë sezon më shumë të Grasshopper dhe ndeshjen e fundit e nisi nga minuta e parë.
Madje ylli i ri kosovar arriti të shënoj edhe gol në fitoren e pastër të GC 3-0 ndaj Winterthur.
18-vjeçari vërtetë ka qenë i pafat, pasi tani ka pësuar një lëndim të rëndë në stërvitje që do ta mbajë jashtë fushave për një kohë të gjatë.
Ka qenë klubi zviceran që ka njoftuar se Kacuri do të mbetet jashtë fushave për një periudhë tre mujore.
“Dion Kacuri ka pësuar një lëndim në këmbën e djathtë në stërvitjen e djeshme pa asnjë ndikim të jashtëm”.
“Fatkeqësisht, nga ekzaminimet në Spitalin Universitar Balgrist u zbulua një frakturë në kockën e metatarsale të djathtë”.
“Mesfushori 18-vjeçar, i cili shënoi gol në ndeshjen e fundit, do të mungojë për një kohë dhe ajo kohë është deri në tre muaj. Grasshopper Club Zurich i uron Dion një shërim të shpejtë dhe një rikthim të shpejtë në stërvitje”, ka shkruar faqja zyrtare e klubit zviceran. /Telegrafi/
