Dilema e Hitzfeldit: Xhaka apo Mehmedi titullar?

Ottmar Hitzfeld do ta ketë një dilemë të madhe për formacionin e tij të parë në Botërorin e Brazilit. Granit Xhaka apo Admir Mehmedi do të luajë pranë sulmuesit Drmic?
Dy futbollistët shqiptarë, Granit Xhaka e Admir Mehmedi, do të ‘luftojnë’ mes vete për një pozitë titullari te Përfaqësuesja e Zvicrës.

Përderisa Kupa e Botës në Brazil do të fillojë në më pak se dy javë, përzgjedhësi zviceran, Ottmar Hitzfeld, ende nuk e ka vendosur plotësisht 11-shen e parë të tij.

Siç raportin Blick, Hitzfeld do të vendos titullar në sulm Josip Drmicin e Nurnbergut, mirëpo është në dilemë se kë ta lë afër tij, Granitin apo Admirin.

E përditshmja zvicerane shkruan se gjasat më të mëdha i ka Xhaka për shkak të formës së tij të shkëlqyeshme me ‘helvetikët’, përderisa Mehmedi nuk ka dhënë shumë për këtë skuadër, duke shënuar vetëm një gol në 19 paraqitje.

Ndryshe, Graniti do të aktivizohet si mesfushor sulmues te Zvicra, rol i ndryshëm nga ai që ka te Borussia Monchengadlach, ku luan më i tërhequr.