Dikush duhet të tregojë se çka ka ndodhur

Dëshmitari D ka treguar në seancë se si i është vrarë i vëllai, nipi si dhe si është plagosur ai vetë. “Më 11 qershor të vitit 2000 në një pritë të organizuar nga tre persona, gjatë kohës kur po shkoja në Skenderaj, më është vrarë vëllai, djali i vëllait dhe jam plagosur unë. Një vit më vonë, përsëri në një pritë tjetër të organizuar, me ‘AK 47’ jam sulmuar në veturën time ku më është plagosur vajza”, tha dëshmitari D, duke u përgjigjur në pyetjet e avokatit të Sami Lushtakut, Arianit Koci.

Avokati e ka pyetur edhe për raportet e tij me të akuzuarin Sami Lushtaku. “E Kam pasur mik të mirë dhe mik të dashur, po më vonë kam pasur mosmarrëveshje”, tha dëshmitari. Koci kërkoi nga dëshmitari të dijë motivin e tij për të dëshmuar.

“Kam mendu se duhet me dalë dikush edhe me tregu se çka ka ndodhur në luftë dhe pas luftës dhe se unë nuk kam asnjë inati personal me askënd, po vetëm dua të flas që të zbardhen këto vrasje, duke përfshirë këtu vrasjet në familjen time dhe të tjerat”, sqaroi dëshmitari…(Tribuna)