Dikur e uronte për postin, tani po i del pengesë edhe Zenuni

Gjilan – Lutfi Haziri fillimisht e kishte uruar Zenun Pajazitin në krye të PDK-së në Gjilan. Ishte befasues ky urim nga ana e Hazirit. Por tani pas gjashtë muajve Haziri ka tjetër opinion për Pajazitin. Sipas tij Zenunit i ka dal situata nga kontrolli në PDK.

Deklaratat e shpeshta që vijnë nga tabori opozitar në PDK e që kryesisht përcillen nga Riad Rashiti, Sahit Abazi e Bujar Nevzati, e më së paku nga Zenun Pajaziti janë parë shumë herë pengesë për Lutfi Hazirin.

Madje Haziri shpesh ka deklaruar se ato deklarata nuk përkojnë me vijën që ndjek PDK dhe drejtuesi i saj.

Ishte Haziri ai që i urojë Zenun Pajazitit postin në krye të PDK-së me shpresën se Pajaziti do t`i fuste nën kontroll grupin e rebeluar opozitar. Por kështu nuk ndodhi tash e sa muaj.

Haziri atëkohë pati shkruar: “Pas emërimit nga ana e kryesisë së degës së PDK-së në Gjilan në pozitën e kryetarit të saj, shfrytëzoj rastin të uroj deputetin Zenun Pajaziti. Besojmë që dega e PDK-së do të jep kontributin politik për zhvillimin e qytetit të Gjilanit nga roli i saj opozitar” kishte shkruar Haziri në urimin e tij adresuar Zenun Pajaziti në nëntor të vitit 2015.

Por tani Haziri ka një koncept tjetër. Haziri tani po i pengon edhe heshtja dhe mos ndërhyrja e Pajazitit për t`i stopuar këshilltarët e PDK-së, pavarësisht se Zenun Pajaziti ka folur fare pak ose aspak rreth qeverisjes Haziri.

“Zenunit i ka dal situata nga kontrolli sepse atje gjendja nuk po mund të përmirësohet dhe se ka plotë prej tyre që akoma nuk po mund të besojnë se i kanë humbur zgjedhjet. Dikush në PDK akoma nuk është ka e di, e beson se zgjedhjet i kanë humbur” ka ironizuar Haziri./rajonipress/