Dieta me pemë dhe perime të papërpunuara

Jeni në hap me kohën dhe dëshironi t’i hiqni disa kile shtesë, në mënyrë të shpejtë dhe të shëndetshme? Nuk ka problem – posedojmë dietën e re, të cilën e ka krijuar Siri Data, ekspert i jogës. Gjatë kësaj kohe konsumohen vetëm pemë dhe perime të papërpunuara, fara, pemë me lëvozhgë të fortë …etj. Nuk ka numërim të kalorive, nuk ka zierje, e rezultatet janë fantastike. Dieta mund të mbahet sipas dëshirës 3, 7 apo 10 ditë.

Dieta prej 3 ditëve zvogëlon stomakun e fryrë, do të fitoni energji dhe mund të humbni deri 3 kg. Dieta prej 7 ditë ju ndihmon të ndiheni të bekuar: trup të lehtë, e mendje të çiltër dhe më shumë energji, mund të humbni deri 5 kg. Dieta prej 10 ditë ju sjell ndryshime të dukshme në lëkurë, do të dukeni më të ri dhe më të freskët dhe do të humbni deri 7 kg, transmeton gazeta Kosova Sot Online.

Kafjalli – fillojeni ditën me dy gota ujë dhe pak limon të shtrydhur. Shtoni edhe ndonjë kombinim të lëngjeve apo një lëng të thjeshtë të freskët. Për shembull, 4 karota, tranguj dhe panxhar i hidhni në blender dhe i përzieni.

Dreka – kjo duhet të jetë shujta më e rëndësishme gjatë ditës me plot perime të gjelbra, sallatë dhe pemë.

Darka – kjo është koha kur duhet të konsumoni yndyra të shëndetshme, në mënyrë që derisa flini organizmi juaj të ripërtërihet. Për këtë shujtë përfshini farat, sallatat, si dhe frutat me lëvozhgë të fortë, si dhe kurrë mos konsumoni asgjë pas orës 8 në mbrëmje.

(Kosova Sot)