Gjilan – Të rralla janë rastet kur gjinia e bukur merret me sportin e boksit, i cili konsiderohet sport i meshkujve dhe njerëzve muskuloz, por për 16 vjeqarën Diellza Halilin këto paragjykime nuk qëndrojnë. Ajo tani e një vit e gjysmë ka kryqëzuar dorëzat e boksit për të arritur në piedestalet më të larta.
Boksierja nga Zhegra e Karadakut, Diellza Halili po sa ka përfunduar semi-maturën, ndërsa çdo ditë është nën urdhrat e dy trajnerëve të KB Drita, Musli Zymberi e Nazim Halili.
“Si e vogël jam dashuruar në sportin e boksit dhe vazhdimisht i kam dhënë detyrë vetës sime se do të bëhem boksiere, vazhdimisht e kam pasur ëndërr të jem në ring duke u përleshur. Boksi është një sport sfidues ku vjen në shprehje fuqia, shpejtësia e teknika dhe mendoj se të gjitha këto tipare i posedoj”, ka bërë te ditur Diellza Halili.
16 vjeqarja Diellza Halili, para karrierës së saj ka synime të qarta. “Çdo ditë me trajnerët e mia ushtroj afër nga dy orë, por këto ushtrime në të shumtën e rasteve I ushtroj edhe në shtëpi pasiqë i kam të gjitha veglat e boksit. Synimi im në sportin e boksit është të gjendem në majet më të larta të boksit në atë vendor e ndërkombëtarë. Idhulli im është legjenda e pa përsëritshme e boksit Muhammad Ali, ku njeherit për çdo ditë i studiojë veprimet dhe luftrat e tij”.
Talentja e madhe në mes litarve Diellza Halili e cila bokson në kategorinë 57 kg, ka një kërkesë duke i rekomanduar të gjitha femrave që të merren me sportin e boksit, i cili sport është një sport sfidues dhe i shëndetshëm.
Diellza ka bërë të ditur se ajo është e vetmja femër që merret me boks në Anamoravë, ndërsa në tërë Kosovën ka bërë të ditur se janë edhe nja 5-6 boksiere tjera. Si është talentja e boksit Diellza Halili, duhet përkrahur nga shumë donatorë të ndryshëm për të na bërë krenar në rrugëtimin e saj në mes litarëve të boksit./rajonipress/
