Diaspora nuk e harron Medvegjën, mobilizim i madh për ta mbajtur gjallë jetën atje

Medvegjë – Jo vetëm krerët institucional shqiptarë, por edhe biznesmen e përfaqësues nga diaspora janë zotuar se do ta ndihmojnë e përkrahin Medvegjën, në mënyrë që ajo të gjallërohet edhe më shumë. Leme Xhema thotë se Medvegja po frymon shqip dhe atje tashmë jeta po ndërtohet e po zhvillohet çdo ditë e më shumë.

Jo vetëm gjatë festave fetare, por edhe në rastet tjera popullata e Medvegjës do të përkrahet në të gjitha sferat. Këtë zotin e kanë dhënë biznesmen nga diaspora, por edhe zyrtarët e lartë shqiptarë që punojnë e veprojnë në Medvegjë.

Kështu, Bashkësia Islame e Medvegjës, me kryetarin e saj Fitim Sahiti për nder të festës së Kurban Bajramit, ndau mishin e një lope në xhaminë e Kapitit dhe në xhaminë Banjës së Sjarinës, besimtarët shqiptarë për popullatën e Medvegjës.

Po ashtu biznesmeni i njohur nga Medvegja, Muharrem Salihu, kontribuoi me 500 euro, ndërsa Florim Sahiti me 300 euro.

Gjithashtu, edhe ndihmëskryetarja e komunës Leme Xhema kontribuoi me 100 euro, për blerjen e një lope për H.Zuka nga Llapashtica. “Derisa, të jetë gjallë diaspora shqiptare nuk guxon të hjek kush sot për bukë për libra as për lapsa në Medvegjën tonë. E ditëve të ardhshme kysmet edhe për punë” tha biznesmeni i njohur nga Medvegja, Muharrem Salihu.

Leme Xhema thotë se Medvegja po frymon shqip dhe atje tashmë jeta po ndërtohet e po zhvillohet çdo ditë e më shumë.”Jam e lumtur që Medvegja vërtet po ndërtohet çdo ditë e më shumë dhe përherë po jemi më kompakt e më të bashkuar për njëri tjetrin. Medvegja do të përkrahet në të gjitha sferat sepse interesi ynë është që aty të frymohet shqip” tha Leme Xhema.

Ndryshe kthimi i Leme Xhemës në Medvegjë ua ka kthyer shpresat shumë familjeve shqiptare, meqë ajo po tregohet një lidere e përkushtuar dhe shumë e afërt me popullatën dukje u solidarizuar me të gjitha aktivitetet dhe aksionet që ndërmerren për popullatën e Medvegjës./rajonipress/