Dialogu po shihet si zgjidhja e vetme, partitë zor se do të ulen bashkë

Vështirë se do të arrijnë të ulen së bashku në një tavolinë.

Pozita dhe opozita në vend mbesin të ndarë thellë në qëndrimet e tyre për daljen nga kriza aktuale politike, raporton KTV.

Për Ganimete Musliun, deputete në PDK, zgjidhja duhet të gjendet brenda institucioneve të vendit.

Njëjtë shprehet edhe Armend Zemaj, deputet i LDK-së, që dialogun mes palëve e sheh të domosdoshëm. Por, një takim i përbashkët për ta ndalur krizën e filluar nga nënshkrimi i marrëveshjeve të gushtit, për Vetëvendosjen nuk shihet si i mundshëm.

Por, Ramush Haradinaj nuk e përjashton dialogun me kryeministrin Mustafa e Thaçin. Kryetari i AAK-së megjithatë thotë se një dialog që rezulton me zbatim marrëveshjesh, do të ishte prapë i papranueshëm.

Një qëndrim të tretë e mban Nisma për Kosovën, që zgjidhjen e sheh te referendumi, përcjell koha.net. Rishtazi, edhe shoqëria civile ka bërë thirrje që përmes dialogut të gjendet zgjidhja e problemeve të krijuara.

http://koha.net/?id=27&l=80051