Dialogu – Kosova e pret Haradinajn, Serbia Presidentin e ri

Vazhdimi i dialogut në mes të Beogradit dhe Prishtinës në Bruksel pritet të ndodhë pas inaugurimit të Presidentit të ri të Serbisë, përkatësisht kthimit të kreut të Aleancës për Ardhmërinë e Kosovës, Ramush Haradinajtnë Kosovë pas përfundimit të rastit të tij në Francë.

Kështu kanë thënë burime diplomatike të gazetës beogradase “Danas” të përfshira në dialogun e Brukselit, transmeton Klan Kosova.

“Kthimi i Haradinajt në Kosovë duhet të përkojë me zgjedhjen e presidentit të ri të Serbisë, gjë që do të kthente në tryezën e Brukselit delegacionet në nivel më të lartë”.

“Duket se afatet për dy procese të ndryshme të përputhen, kështu që ka gjasa që raundi i ardhshëm në nivel të udhëheqësve të mbahet për disa muaj, e jo javë”, ka thënë ky burim, transmeton Klan Kosova

Sipas burimeve të kësaj të përditshmeje serbe, në ndërkohë, duhet të përfundojë “hartimi i statutit të Asociacionit të komunave serbe”.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).