Dhurata Dora drejt skenës botërore, shumë afër nënshkrimit me Universal Music Group

Fillimisht Era Istrefi pushtoi skenën botërore falë hitit “BonBon” të realizuar në RedBox, e duket se shumë shpejt skena ndërkombëtare po pasurohet me një tjetër artiste nga trojet shqiptare. Dhurata Dora arriti të thyejë të gjitha rekordet me hitin e fundit, “Zemër”.

Duket se puna e realizuar gjatë gjithë karrierës së saj ne shtëpinë e hiteve, RedBox, po rezulton me sukses kulmor tani ndërkombëtar.

Është mega hiti “Zemër” në bashkëpunim me Soolking ai që ka bërë diferencën, projekt ky i punuar muzikalisht nga Big Bang në Redbox dhe në videoklip nga Max Production.

Projekti po tejkalon shifrën e rekord 150 milionë klikimeve në pak kohë dhe miliona shkarkimeve në platforma tjera si Spotify, iTunes etj.

Duket se ky sukses ka tërhequr vëmendjen e shtëpisë më të madhe muzikore në botë, Universal Music Group, që është afër ta ketë në gjirin e vet edhe superyllin shqiptar.

Për Dhurata Dorën ky është suksesi kulmor në karrierën e saj, pas disa viteve intensive të punës në skenën muzikore, duke u bashkuar emrave si Era Istrefi, Dua Lipa, Rita Ora e Bene Rexha si shqiptare në skenën ndërkombëtare. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).