Dhurata Ahmetaj me këngë të re?

Kanë kaluar disa muaj prej se Dhurata Ahmetaj i ka munguar skenës muzikore, por këngëtarja heshtazi po punon në projekte të reja muzikore.

Ajo tashmë ka realizuar një këngë ritmike, të cilin do ta shoqërojë me videoklip.

Burimet e Telegrafit thonë se këngëtarja gjatë kësaj fundjave do të fillojë realizimin e videos muzikore të këngës.

Se si do të duket Dhurata në krijimtarinë e re muzikore, mbetet të shihet gjatë muajve të ardhshëm.

Ndryshe, pritet që kjo mos të jetë kënga e fundit për këtë vit, pasi që këngëtarja thuhet se po punon edhe në projekte tjera muzikore.

“Gabim” mban titullin një prej këngëve të fundit të Dhuratës që u realizua me videoklip dhe u pëlqye shumë nga fansat e saj. /Telegrafi/