Dhunoi gruan 30 vjet, arrestohet shqiptari në Itali

Një 56-vjeçar shqiptar është arrestuar nga policia italiane pasi ka ushtruar dhunë barbare në familje, ndaj bashkëshortes dhe 3 fëmijëve të tij. Mësohet se gruaja prej 30 vjetësh është dhunuar në mënyrë të vazhdueshme nga bashkëshorti i saj.

Në gusht familja ka qenë në Shqipëri ku ka ndodhur edhe episodi i fundit i dhunës: burri e ka lidhur gruan me krevat, e ka kërcënuar me vdekje dhe e ka rrahur për ta bindur t’i rrëfejë tradhtinë bashkëshortore të imagjinuar prej tij, shkruan shekulli.

Falë ndërhyrjes së një të afërmi që ka dëgjuar britmat e gruas, kjo e fundit ka arritur të lirohet e t’ia mbathë. Të katërt janë paraqitur në polici e kanë paditur 56-vjeçarin. Kanë treguar histori të tmerrshme, shenja rrahjesh në trup, fotografi plagësh, raporte mjekësore mbi plagë nga më të ndryshmet.