Dhunoi fizikisht babanë e tij, arrestohet një person në Kllokot

Gjilan – Një rast i rëndë i dhunës në familje është raportuar në Kllokot, ku një person dyshohet se ka ushtruar dhunë fizike ndaj babait të tij.

Sipas Policisë, viktima ka pësuar lëndime trupore si pasojë e sulmit dhe ka marrë trajtim mjekësor. Pas intervenimit të policisë, i dyshuari është arrestuar dhe intervistuar nga organet kompetente.

Me vendim të prokurorit, ai është dërguar në mbajtje për 48 orë, ndërsa rasti po hetohet për veprat penale “Dhunë në familje” dhe “Lëndim i lehtë trupor”./rajonipress/