Dhjetori
RajoniPress
08:49, 6 Dhjetor, 2015
Me acarin jam, Mik tejet i mirë, Borës ia plotësoj, Secilën dëshirë.
Vesh bardhë shpatet,
Rrugët me akull mbush,
Valle bëj me erën
Si unë nuk hedh kush.
Netëve të gjata
Sjell dhe rrëfime,
Gjyshe e gjyshër
Evokojnë kujtime.
Me gëzime
Mbush rrugicë e shesh,
Se vjen fundviti
E kjo s’ndodh shpesh.
Dhurata mbush
Secilën shtëpi,
Kudo festohet
Ardhja e Vitit të Ri.
Ramadan Mehmeti
