Dezinfektohen hapësirat dhe objektet në fshatin Stubëll të Vitisë

Viti – Me qëllim të parandalimit të përhapjes së virusit COVID-19 sot në fshatin Stubëll të Vitisë, u bë dezinfektimin i ambulancës, shkollës, kishës, por edhe të restorantit ku ka frekuentuar i infektuari i parë më Koronavirus në Viti.

Kryetari i Komunës së Vitisë, Sokol Haliti bëri më dije se ky dezinfektim u bë nga Komuna e Vitisë me qëllimin më të mirë të parandalimit të përhapjes së këtij virusi që në Viti, u soll nga një banor i Stubëll prej Italisë.

Haliti tha se kjo komunë edhe më parë ka bërë dezinfektimin e institucioneve komunale në qendër të Vitisë dhe gjithashtu ka bërë pastrimin e rrugëve në qytet si masë parandaluese kundër COVID-19.

Përndryshe fshatin Stubëll dhe gjithë territori i Komunës së Vitisë është në karantinë shkaku i Koronavirusit./rajonipress/