Detaje të reja për të arrestuarit e drogës që u kap dje në Gjilan

Gjilan – Sipas burimeve brenda policisë dhe prokurorisë së Gjilanit dy të dyshuarit e arrestuar për drogë janë Lavdrim Flamur Alidemaj (1998) nga Mitrovica dhe Shyqyri Fekë Hasani (1980) nga fshati Banjke e Vushtrrisë.

Gjithnjë sipas këtyre burimeve Lavdrim Alidemajt i është kapur 15 kg e 300 gram substancë e dyshuar narkotike e llojit Marihuana, vetura Pasat, 85 euro dhe një telefon, kurse Shyqyri Hasanit i janë konfiskuar 2 kg e 946 gram Marihuana.

Ndërsa sot policia e Kosovës ka dhënë një njoftim më të gjerë:

Në fshatin Bresalc, të Gjilanit janë arrestuar dy të dyshuar meshkuj kosovarë, pasi që në veturën e njërit të dyshuar janë gjetur dhe janë sekuestruar 15 kg e 300 gramë substancë e dyshuar narkotike e llojit marihuanë, pastaj gjatë kontrollit në shtëpinë e të dyshuarit të dytë janë gjetur dhe janë sekuestruar 2 kg e 946.9 gramë substancë e dyshuar narkotike e llojit marihuanë (total 18 kg e 246.9 gramë substancë e dyshuar narkotike e llojit marihuanë), dy vetura me targa vendore, 355 € dhe dy telefona.

Me vendim të prokurorit të shtetit të dyshuarit janë dërguar në mbajtje./rajonipress/

Shpërndaje.
© RAJONIPRESS