Dështimet me “Trepçën”

Gjiganti metalurgjik “Trepça” vazhdon ta ketë statusin juridik të pazgjidhur, pavarësisht se një gjë e tillë ishte premtuar nga kryeministri, Isa Mustafa.

Përpos deklarimeve të këtij të fundit se pas pesë muajsh do ta procedojë në Kuvend Strategjinë dhe Ligjin për “Trepçën”, ende nuk ka asgjë konkrete.

Por, moszgjidhja e statusit për “Trepçën” ka shtyrë punëtorët e këtij kombinati që të kërkojnë takim me kryeministrin.

Ahmet Tmava, drejtor i kombinatit “Trepça”, ka thënë se moskonkretizimi i statusit ka ngjallur pakënaqësi tek punëtorët, ndërsa nuk përjashton mundësinë e vazhdimit të grevës./zeri/