Dështim total i IPKO-së në Gjilan

Gjilan – Rrjeti i IPKO-së në Gjilan ka dështuar totalisht të mërkurën në Gjilan. Që nga ora 13 e 30 minuta Gjilani nuk ka qasje në internet përmes IPKO-së. Alban Kastrati zëdhënës i IPKO-së thotë se ka ndodhur një këputje e fijes optike dhe brenda një ore pritet të kthehet sinjali.

Qytetar të shumtë kanë vërshuar me ankesa në drejtim të IPKO-së për shkak se që nga ora 13 e 30 shumica e qytetit dhe lagjeve në Gjilan nuk kanë sinjal të IPKO-së.

Alban Kastrati zëdhënës tha për rajonipress që nga ora 13 e 30 minuta është këputur një fije optike pa qëllimshëm dhe se inxhinierët e tyre janë në teren ku brenda një ore pritet të sigurohet edhe sinjali tha Kastrati.

Në anën tjetër qytetarët janë të tmerruar me këtë papërgjegjësi të IPKOS e cila tregohet shumë e ashpër kur janë në pyetje minutat e saj për të inkasuar mjetet financiare në teren kurse nuk merr përgjegjësi për asnjë kompensim për këto orë të humbura./rajonipress/