Dëshmori i kombit Ismajl Ismajli

Nga Demir Krasniqi

Çiftelinë e kam rrokë n’ dorë –
Do t’ këndoj për një dëshmorë !
Do t’ këndoj një dëshmorë t’ kombit –
Kënga e tij do t’ jehojë globit !
Me këta tela t’ çiftelisë –
Do t’ këndoj këngë të lavdisë ,
Për dëshmorin e trimërisë ,
Që ia fali jetën lirisë !

Për çdo vjet për 11 Majin –
Këndojmë dëshmorin Ismajl Ismajlin !
Lindë e rritë n’ fshat t’ Kopërnicës ,
Të Komunës së Kamenicës !
Ismajl Ismajli biri i trimërisë –
Ra n’ altarin e lirisë !
Gjaku i tij u derdh si gurrë –
Ra n’ altar , për t’ mos vdekur kurrë !

Kolosi i lirisë , Ismajl Ismajli –
Asnjëherë luftën s’e ndali !
Asnjëherë nuk u gjunjëzua –
Okupatorit serb , nuk iu dorëzua !
Për vrasjet mizore , ndaj popullit të tij –
Ismajli , rroku pushkën – luftoi për liri !
Dëshmori i kombit , tërë jetën luftoi –
Armikun shekullor se si ta shkatërroi ?!

Ismajli , ishte luan i vërtetë –
Ndaj armikut shekullor serb !
Dëshmori i kombit , tërë jetën punoi ,
Tërë jetën mendoi , tërë jetën luftoi !…
Armikun shekullor se si ta shkatërroi –
Që kombi i tij , i lirë të jetoi ?!
Dëshmori i kombit , Ismajl Ismajli –
Gjak e shpirt e jetë – Kosovës ia fali !

Sot është dritë e lirisë së Kosovës –
Si e të gjithë popujve t’ botës !
Që aq shumë e deshi Ismajli –
Për liri jetën e fali !
Kosovën e deshi , ma shumë se vetë vetën –
Për te dha çdo gjë , nuk kurseu as jetën !
Për te u flijua , për t’ vetmin qëllim –
Që populli dhe vendi t’ kenë liri , çlirim !…
Gjaku i dëshmorit Ismajl Ismajli –
Sot është dritë e lirisë së Kosovës , që jetën ia fali !
Kosovën , aq shumë e deshi Ismajli –
Për popullin dhe lirinë e saj , jetën ia fali !
Dëshmori i kombit Ismajl Ismajli –
Për atdhe , liri , luftën kurrë s’e ndali !
Gjatë tërë jetës së tij , shkruante parulla –
Si rrobave t’ trupit , kur iu qepnin pulla !

Ku i jepej rasti , në mur e në çdo cep –
Duke paralajmëruar okupatorin serb ,
Se ky popull do të luftoi si gjithë popujt e botës ,
Gjerë n’ frymën e fundit për tokën e Kosovës !
Dëshmori Ismajl Ismajli , ishte luftëtar i rrallë –
Për liri e për atdhe , kishte zjarr e mall !
Ai , nga të tjerët shokë , gjithmonë është dalluar –
Kishte ideal të fortë , për liri për të luftuar !

Për te , kurrë nuk kishte asnjë lloj pengesë –
Që mund ta ndalte drejt idealit të tij në qëndresë !
Dëshmori Ismajl Ismajli , heroikisht ka qëndrua –
Me regjimin fashist serb , asnjëherë nuk është pajtua !
Ai shpesh thoshte me shokë të vet :
“Ma kanë lënë një amanet ,
Babë , Babagjysh e Katragjysh –
Ta mbroj pragun e shtëpisë” !…

Ismajli , asnjëherë nuk iu tremb vdekjes –
Për fitore nuk i ikte shpresës !
Ai , në momentin e fundit të jetës së tij –
Për armikun serb kishte një porosi:
”Unë , sot po lindi për popullin tim –
Nga se do të shkoj në luftë për çlirim !
Ndërsa , ju do të vdisni përgjithmonë –
Se fort po e lakmoni vendin tonë ! “

Në tubimin përkujtimor , në 20 vjetor ,
Të e rënies së Ismajl Ismajlit , dëshmor –
N’ fshatin Kopërnicë me traditë malësor ,
Të Shtunën , është mbajtur tubim madhështor !
Ku është përkujtuar vepra heroike
E dëshmorit Ismajl Ismajlit me zemër kreshnike !
N’ këtë tubim madhështor përkujtimor luftëtarë –
Pat shumë bashkëluftëtarë nga mbarë trungu shqiptarë !

Bashkëveprimtari i dëshmorit Ismajl Ismajlit –
Ali Hoxha , ka theksuar para masës së rrafshit dhe malit :
” Sot dëshmori Ismajl Ismajli , n’ këtë ditë t’ madhe t’ historisë –
Është i gjallë dhe i pavdekshëm në statujën e tij t’ lirisë !
Ismajli , u flijua për popullin dhe atdheun e Ilirisë –
Ai , sot po qëndron si shqiponjë në qiellin e pastër të lirisë !
Kujtimet e historisë – nëpër shekuj kurrë nuk tresin ,
E viganët e lirisë – n’ trojet tona kurrë nuk vdesin”!

Kryetari i Komunës së Kamenicës – Qëndron Kastrati
Për dëshmorin e Kopërnicës , ka thënë një fjalë rasti :
“Jemi përballur me një regjim të hekurt , si prushi në furrë –
Por , falë dëshmorëve që ranë për të mos vdekur kurrë !
Ata , përgjithmonë e përzumë robërinë ,
Maltretimet , varfërinë edhe mizorinë !
E ne , sot krenarë po e gëzojmë lirinë ,
Shtetin tonë sovran edhe pavarësinë !”

N’ emër t’ familjarëve , përshëndetje u fali –
Vajza e dëshmorit , Arlinda Ismajli:
“Sot, n’ këtë jubile , të gjithë që kemi ardhë –
Për veprën e prindit tonë , ne jemi krenarë !
Gjaku i tij , u bëftë rreze e dritë lirie ,
Për popullin e Kosovës – dëshmorë krenarie !
Sot , babai Ismajli , si prind na mungon –
Por , ne fëmijëve t’ tij , gjithmonë na forcon !

Por , dëshmorët janë ata që s’ mendojnë për vetën –
Për ne , japin më të shtrenjtën e tyre – jetën !
Dhe nuk vdesin kurrë duke e ruajtur amanetin me nderë ,
E gjakun e tyre me shekuj të tërë !”
Në këtë përvjetor madhështor , në rrëzë këtij malit –
Ju këndua e recitua dëshmorit Ismajl Ismajlit !
N’ mes të fshatit Kopërnicë , ai qëndron me lapidar –
Bënë roje me gjak të tij , për të mirë t’ popullit shqiptarë !

Sot , emrin e kolosit të lirisë Ismajl Ismajlit –
E mbajnë me krenari shkollat dhe rrugët e rrafshit !
Emri i dëshmorit , kurrë nuk do t’ harrohet –
Me këngë krenarie gjithmonë do t’ këndohet !
Dheu i Kosovës i qoftë i lehtë krenarit ,
Dëshmorit , kolosit dhe vizionarit ,
Trimit të pa epur , dëshmorit të kombit –
Ismajl Ismajlit , që na shpëtoi prej robit !

Gjilan, më 11.05.2019.

Demir Krasniqi