Dëshmorët e Rahovicës së Gollakut

Mbi Gollak shkrepë rrezja e Diellit – Plot Lulëkuqe n’ muaj të Prillit ! Janë Lulëkuqet e Lirisë –

Dritë e jetë e gjithë Malësisë !
Kalojmë lugje dhe bregore ,
Me mall zemre, lule kurore …

Në shënim të përvjetorëve –
N’ përkujtim ju shkojmë dëshmorëve !
Bijë e bija prej Kamenicës –
Drejt Strezocit e Rahovicës …
Drejt Leshtarit e Gragjenikut –
T’ kujtojnë krimet e armikut !
Kujtojnë dhunën mbi shqiptarët –
Që ushtruan serbë – barbarët !
Shpërnguljet prej trojeve t’ veta ,
Shpitë e djegura mbetën t’ shkreta !…

Qëndresëtarët e triumfit –
Arsim e Shemsi Isufit ,
Ramadan Kastrati e Basri Canolli –
Gjaku i tyre Lirinë na e solli !
Ahmet Mehmetin nga Gragjeniku –
N’ prag t’ shtëpisë na e vrau armiku !
Por nuk vdes plaku i Malësisë ,
Se iu bë kurban Lirisë !

Vijnë rapsodë me sharki n’ dorë –
T’ këndojnë këngët për dëshmorë !
Gjaku i tyre u derdh si gurrë –
Ranë n’ altarë për t’ mos vdekur kurrë !
Flini t’ qetë bijë të nënëlokes ,
U qoftë lehtë dheu i Kosovës !
Mbi gjak tuaj lulëzon Liria ,
Me ju shkruhet historia !

Gjilan, më 18.04.2013. Demir Krasniqi/rajonipress/