Dëshmorët e Artanës

Teksti, muzika dhe interpretimi : Demir Krasniqi

Shqiptarët kudo të shkojnë ,
Anë edhe mbanë globit –
Asnjëherë nuk i harrojnë ,
Dëshmorët e kombit !
Për çdo vjet i vizitojnë –
Kudo n’ varre pa bagazhe !
Me respekt i përkujtojnë
Dhe iu bëjnë homazhe !

Ju, dhatë jetën me pushkë n’ dorë –
Që ne , të jetojmë të lirë !
Kujtimi për Ju , dëshmorë –
Përjetësisht , do të jetë i mirë !
Lavdi jetës , veprës suaj –
Që u flijuat për liri !
Ne , s’ na latë asnjë të vuaj –
Vepra e juaj mbet n’ histori !

Dëshmorëve tanë të lirisë –
Do t’iu shkruajmë , do t’i nderojmë !
Me këngë t’ bukura të lavdisë –
Gjithmonë do t’i përkujtojmë !
Kujtojmë çdo dëshmorë që prini –
Afrim Zymeri , Ziaver Vllasaliu !
Me ta ishin Faredini
Dhe Shemsedin Vllasaliu !…

Në çdo përvjetor të rënies ,
Së të gjithë martirëve , këtyre –
Nderojmë heroizmin e dhënies ,
Për Atdhe , t’ jetës së tyre !
Personat e vrarë n’ luftë të rëndë ,
Në Komunën e Artanës –
Do t’i përkujtojmë me këngë ,
Amanet e kem prej nënës !

I pari , Afrim Zymer Zymeri ,
I lindur n’ fshatin Prekovc !
Flijoi jetën , dëshmorë nderi –
Për Atdhe , s’ i gjendej shoq !
Më 20 Prill ’99 ,
Me shumë plumba na e vranë,
T’ bijtë e shkavit dhe të shkinës –
Në Llukar , n’ Komunë t’ Prishtinës !

I dyti , Ziaver Ali Vllasaliu ,
I lindur n’ fshatin Vllasali !
Për Atdhe luftës i priu –
Çift nuk kishte për trimëri !
Më 18 Prill ’99,
Në fshatin Marec , na e vranë !
Dora e zezë e okupatorit –
Na e vrau birin e malësorit !

Edhe i treti , luftës i priu –
Fahredin Gani Vllasaliu !
I lindur n’ fshatin Vllasali –
Për Atdhe , do t’ bëhej fli !
Më 21 Prill ’99 ,
Fahredinin na e vranë !
T’ bijtë e shkavit dhe të shkinës –
N’ fshatin Makovc të Prishtinës !

I katërti , Shemsedin Gani Vllasaliu –
Bashkë me vëllezër luftës i priu !
I lindur n’ fshatin Vllasali –
Për Atdhe n’ luftë bëhet fli !
Më 21 Prill ’99,
N’ fshatin Marec na e vranë !
Emri i tyre mos u harropftë –
Shpirti në paqe iu pushoftë !

Gjilan, më 20 Prill 2020 v.
Demir KRASNIQI